Siglir tar il cuntegn

Grischun Check da fusiuns da vischnancas

Fusiuns da cumins èn en il trend. Ils ultims onns hai dà ina fusiun suenter l’autra en il Grischun. Perfin entiras valladas èn fusiunadas. Per sclerir la dumonda sche las fusiuns han gì success u betg ha la Scola auta da tecnica ed economia (HTW) a Cuira svilupà l'uschenumnà «check da fusiuns».

bajetg da la HTW Cuira, la Scol'auta per tecnica ed economia
Legenda: La Scol'auta per tecnica ed economia ha svilupà il check da fusiuns. Keystone

Ina buna preparaziun

Ina preparaziun detagliada e planisada atras è ina buna premissa per ina fusiun cun success di Ursin Fetz ch'è expert da fusiuns. El ha svilupà las fusiuns ed ha prendì sut la marella las singulas fusiuns dal Grischun.

Tegnair pled

Important per ina fusiun cun success saja era ch'i na vegn fatg faussas empermischuns als abitants da las vischnauncas che duain vegnir fusiunads.

In auter punct impurtant per ina fusiun cun success saja il president da la nova vischnanca. Quel saja ina figura impurtanta. I stuess esser ina persuna che enconuscha il project da fusiun, vul dir ina persuna ch'era involvida en la planisaziun da la fusiun.

Però, di Ursin Fetz vinavant, diversas fusiuns èn creschidas e creschian era en l'avegnir ord ina situaziun negativa. Per exempel or da problems finanzials. Tant pli impurtant saja lura il concept che definescha en tge direcziun ch'ils pertutgads vulan ir sco cuminanza.