Anc mai ha RTR survegnì tantas impressiuns da chatscha sco quest onn: La gallaria mussa en tut passa 280 impressiuns da l'atmosfera, da predas, da la cumpagnia e dal plaschair da chatscha. Grazia fitg a tuttas e tuts che han tramess fotografias!
En ina votaziun online avais Vus decis:
Las vuschs en la votaziun online èn repartidas quest onn fitg guliv sin las tschintg fotografias.
La rangaziun
Cordiala gratulaziun e bler plaschair cun ils premis d'ina fatschenta da sport ed urden da chatscha:
- bon da 500 francs
- bon da 300 francs
- bon da 200 francs
La patenta da chatscha 2022 va quest onn a Glion:
Schelta enorma da fotografias
Cun adina dapli fotografias vegn er la lavur da la giuria pli greva. Enfin che las tschintg fotografias van en la votaziun, dovra quai bleras discussiuns, argumentaziuns e cumpromiss e la giuria è cunscienta ch'ins pudess eleger er autras fotografias per la selecziun finala. La finamira è dentant da porscher ina schelta al public.
In chatschadur pli vegl, ina dunna, uffants, atmosfera da chatscha ed ina bella foto da preda – nus vulain mussar las differentas fassettas da la chatscha.
Walter Candreia è fitg cuntent cun la qualitad da fotografias. El dat gronda paisa che chatschaduras e chatschadurs portian correct l'arma e che l'animal vegn preschentà cun respect sin las fotografias. Ulteriurs criteris ch'èn impurtants per RTR: La differentas regiuns duain esser represchentadas en la preselecziun sco er ils differents animals selvadis.
Per ils detagls fotografics è Cundrau Spescha responsabel. Ad el plaschan surtut fotografias che raquintan ina istorgia – saja cun l'armonia en il maletg, las colurs ubain il sujet.
A mai plaschan fotografias che han simplamain in effect da WOW.
A chatschaduras e chatschadurs cusseglia el da prender temp per fotografar, da sa posiziunar a bass per ina meglra perspectiva e da fotografar orizontal sch'ins vul documentar l'atmosfera u ina cuntrada.
Trais persunas han fatg part a la giuria:
- Cundrau Spescha, fotograf d'animals e da natira
- Walter Candreia, redactur «Chatschadur Grischun» e sez chatschadur
- Nadja Cadonau, producenta RTR Online
