WWF, Pro Natura ed ils chatschaders tiran vid il medem sughet

Las organisaziuns da l'ambient WWF, Pro Natura Grischun sco er l'Uniun grischuna da chatschaders da patenta tiran per ina giada vid il medem sughet. Ellas èn perina che la selvaschina na duai betg vegnir pavlada durant l'enviern.

enviern ed intgins tschiervs stattan en la naiv

Legenda da maletgs: Ils tschiervs dovran l'enviern en spezial ruaus, nagina pavlada. Keystone

Ellas pretendan perquai ch'il scumond vegnia integrà en la lescha da chatscha chantunala.

Pavlar donnegia il guaud giuven

Las consequenzas da pavlar l'enviern la selvaschina èn gravantas, surtut per la regiuvnaziun dal guaud. Quai scrivan il WWF e la Pro Natura. Plinavant saja il pavel che vegn offert a la selvaschina betg adattà. La selvaschina na possia betg magunar quai pavel che saja memia ritg da substanzas nutritivas.

La revisiun da la lescha da chatscha grischuna vegn tractada l'october en il Cussegl grond.

RR novitads 16:00