Siglir tar il cuntegn

Header

cuntegn

Votaziuns dals 20-10-2019 Decisiuns en vischnancas grischunas

Qua ina schelta da decisiuns communalas dals 20 d'october 2019. Quella vegn actualisada cura ch'igl è enconuschent dapli detagls ubain ils resultats.

  • Vopna da San Murezzan
    Legenda: San Murezzan RTR

    San Murezzan

    La Chesa Brunal duai vegnir vendida per 12 milliuns francs ad ina persuna privata. Dapi trais onns è la chasa, construida il 1911 da Nicolaus Hartmann, en il possess da la vischnanca. Encunter ils plans da la suprastanza communala è sa furmada ina gruppa d’interess «IG Chesa Brunal» che vul impedir la vendita. I na saja betg cler per tge che la vischnanca veglia dovria ils daners da la vendita, uschia lur argument.

  • Vopna S-Chanf
    Legenda: S-chanf RTR

    S-chanf

    Ils da S-chanf elegian lur president communal e la suprastanza. Nominaziuns èn pussaivlas enfin ils 11 d'october.

  • Vopna Sursaissa
    Legenda: Sursaissa Mundaun RTR

    Sursaissa Mundaun

    La vischnanca Sursaissa Mundaun elegia ses represchentants communals: Il president Ernst Sax statt puspè a disposiziun ed era ils suprastants Pio Marco Schnider, Michael Cahenzli, Fabien Walder e Cyrill Mayer vulan vegnir reelegids.

  • Vopna Landquart
    Legenda: Landquart RTR

    Landquart

    Cun la lescha federala per la protecziun da las auas il 2011, ston er las vischnancas definir lur zonas d’aua. Landquart fa quai en il rom d’ina revisiun parziala da la planisaziun locala. Uschia duai t.a. la zona d’aua vegnir integrada en las leschas da bajegiar dad Igis sco nova zona da protecziun ed en la lescha da bajegiar da Mastrils. Zonas d’aua gidan a garantir a lunga vista las funcziuns natiralas da las auas, a proteger d’auas grondas ed a l’utilisaziun da las auas.

  • Vopna Tusaun
    Legenda: Tusaun RTR

    Tusaun

    Cun reveder la planisaziun locala vul la suprastanza communala per l'ina reglar meglier deposits da material betg legals, definir il gener da manaschis lubids ubain armonisar e simplifitgar las reglas. Per l'autra vai era per engrondir il terren d’exercizi dals pumpiers. La radunanza communala da Tusaun ha gia approvà la revisiun cun 40 cunter 1 vusch.