Siglir tar il cuntegn

Header

cuntegn

Votaziun 19-05 Discussiun pro e contra

Radund 280 audituras e auditurs han prendì part a la discussiun da podium tranter aderents e adversaris da la chatscha speziala a Puntraschigna.

Ina saira d’infurmaziun objectiva è stà la finamira da la discussiun da podium en il Rondo a Puntraschigna. Ils aderents e adversaris han gì la pussaivladad da plazzar lur arguments, dar resposta sin dumondas dal public e dumondas via medias socialas.

La maioritad dals preschents in sala han dentant gia fatg lur opiniun. Da la partida eran surtut chatschaders da l'Engiadina e singuls da las vals dal Sid.

La discussiun è stada organisada dals chatschaders da l’Engiadin’Ota e moderada dad Andri Franziscus dad RTR.

Part a la discussiun han fatg quatter chatschaders activs, quai èn per ils aderents:

  • Christian Mathis (iniziant ed anteriur deputà en il Cussegl grond)
  • Renatus Casutt (iniziant ed anteriur deputà en il Cussegl grond)

...per ils adversaris:

  • Emil Müller (capo da Zernez, deputà e president da la cumissiun predeliberanta dal Cussegl Grond)
  • Andrea Vondrasek (expert d’examens da chatscha)

Ils 19 da matg decida la populaziun grischuna davart l'iniziativa.

Video
Co guardar HbbTV?
Or da RTR dals 30.04.2019.
abspielen

Dapli da la votaziun davart la chatscha speziala

RTR votaziuns