En l’avegnir pudess il chantun surpigliar ils custs en cas d’ina votaziun per correspundenza. Fin uss ston las votantas ed ils votants purtar sezs ils custs per il porto en las bleras vischnancas. La regenza ha dà en consultaziun la revisiun parziala da la lescha davart ils dretgs politics per uschia pussibilitar quai.
Il chantun surpigliass la francatura per ina spediziun per posta B da 95 raps. Quai correspundia a la pratica en auters chantuns e resguardia ch'i existan gia autras pussaivladads da votar gratuitas, communitgescha il chantun.
La consultaziun dura fin ils 12 da fanadur.
