Siglir tar il cuntegn

Header

video
Visettas en chasas d'attempads èn puspè pussaivlas
Or da Telesguard dals 23.04.2020.
laschar ir. Durada: 2 minutas 5 Secundas.
cuntegn

Visitas d'attempads e malsauns Visitas en chasas d'attempads duain vegnir pussaivlas

Il chantun Grischun adattescha a partir da glindesdi ils 27 d'avrigl las mesiras chantunalas da corona. Midadas datti cunzunt quai che pertutga far visitas en chasas d'attempads. Quai è vegnì communitgà en il fegl uffizial dal chantun.

Visitas en chasas da tgira e d'attempads duain vegnir pussaivlas, dentant be cun sa tegnair strictamain vid las reglas. Quai vul dir:

  • las visitas e la persuna attempada dastgan be s'entupar ordaifer la chasa da tgira
  • i sto vegnir tegnì ina distanza da 3 meters
  • be duas persunas a la giada pon far la visita
  • ina persuna da la tgira sto esser preschenta
  • tut ils involvids han da purtar ina mascra durant la visita.

En cas extraordinaris, pia per exempel sch'ina persuna ord la famiglia è sin murir, dastga l'instituziun sezza decider en tge furma ch'ina visita è pussaivla.

audio
Visitas en chasas d'attempads daventan puspè pussaivlas
ord Actualitad dals 23.04.2020.
laschar ir. Durada: 2 minutas 29 Secundas.

La regenza grischuna ha la cumpetenza da decider tge mesiras da protecziun che valan en las chasas da tgira. Pir avant in'emna aveva cusseglier federal Alain Berset accentuà che la Confederaziun n'haja mai scumandà visitas - quai saja chaussa dals chantuns ed uschia sajan era ils singuls chantuns responsabels da decider schluccadas.

Ulteriuras decisiuns

Medemamain oz è vegnì enconuschent ch'il chantun dat glisch verda a las vischnancas da votar a l'urna enstagl durant radunanzas communalas, ch'èn actualmain scumandadas:

Autras adattaziuns ch'il chantun fa davent da glindesdi èn cunzunt prolungaziuns da mesiras che valan gia. Per exempel resta la protecziun civila er vinavant semtgada per sa gidar en il sectur da sanadad ed er homeoffice en l'administraziun chantunala vegn vinavant recumandà.

RTR novitads 12:00

Artitgels legids il pli savens