Siglir tar il cuntegn
cuntegn

Chantun Vischnancas dependentas dal tschains d'aua dian na

Farera, Rongellen e Ziràn-Reschen èn las trais vischnancas las pli dependentas dal tschains d'aua en il Grischun e tuttas trais han ditg na a la nova lescha d'energia. E quai malgrà ch'il represchentant da las vischnancas concessiunarias Not Carl era s'exprimì ordavant en favur da la lescha.

La tschiffada d'aua tranter Farera e Calantgil.
Legenda: La tschiffada d'aua tranter Farera e Calantgil. RTR, Prisca Bundi

Farera, Rongellen e Ziràn-Reschen èn perina. Tut las trais vischnancas avessan laschà ir da l'aua giu la nova lescha d'energia. E quai malgrà ch'il represchentant da las vischnancas concessiunarias Not Carl era s'exprimì a favur da quella.

Cun la promoziun da las energias regenerablas s'augmentia er la valur da l'energia idraulica, è Carl persvas.

Da quai avis era er il president da Farera Albert Rauch. Tuttina n'ha el betg pudì persvader sia vischnanca; 60% dals votants han ditg na. La tema e la malsegirtad era simplamain memia gronda, uschia Albert Rauch e lura saja savens uschia ch'ins ditga pli gugent NA. El saja uss dentant cuntent ch'ils Svizzers han detg GEA a la lescha, perquai senza tschains d'aua na possia Farera far nagut pli, lura saja Farera ina vischnanca povra.

RR actualitad 07:00