Siglir tar il cuntegn
cuntegn

Chantun Vincenz sa retira da la Repower

Pierin Vincenz, l'anteriur CEO da la banca Raiffeisen sa retira sco president dal cussegl d'administraziun da la Repower, quai communitgescha la Repower.

Pierin Vincenz.
Legenda: Pierin Vincenz sa retira sco president dal cussegl d'administraziun da la Repower. Keystone

Pierin Vincenz, il president dal cussegl d'administraziun da la Repower na stat betg pli a disposiziun per ina reelecziun a la radunanza generala il matg, quai scriva la societad d'electricitad. Vincenz era vegnì elegì a la radunanza generala extraordinaria il zercladur 2016 en il cussegl d'administraziun da la Repower.

Pierin Vincenz veglia s’engaschar en futur sco investider privat en las spartas da las interpresas pitschnas e mesaunas, scriva la Repower. Ina successura ni in successur per Vincenz vegnia communitgà a temp e proponì al cussegl d'administraziun per l'elecziun.

RR novitads 07:00