Chantun - Viafier retica e Stadler Rail han preschentà il «Capricorn»
Stadler bajegia en tut 36 da quests trens cun in accuplament automatic. Cun quels po la Viafier retica realisar in tact d'ina mes'ura sin tscherts trajects cun mo in binari. Igl è la pli gronda acquisiziun da material rudlant che la Viafier retica ha fatg en sia istorgia.
Ils emprims trens dal tip Capricorn duain vegnir en funcziun la fin d'atun 2019. Quai sin il traject da Landquart-Tavau-Filisur. A partir dal 2021 duain ils trens charrar tranter Landquart-Claustra-Tavau/San Murezzan. Er en Surselva duain ils trens la finala vegnir. Cun quests novs trens vul la Viafier retica daventar pli effizienta. Uschia po la viafier numnadamain realisar in tact da mes'ura sin il traject da Landquart a Claustra e quai senza stuair schlargiar la rait sin duas rodaglias.
1 / 5
Legenda:
Il Capricorn duai bainbaud charrar da Landquart a Tavau e Filisur. Sco usità tar la Viafier retica natiralmain en vestgi cotschen.
Keystone
2 / 5
Legenda:
Inaugurà il tren han Thomas Ahlburg, CEO da Stadler Rail e Renato Fasciati, directur da la Viafier retica (davant da san,)cun Il manader da divisiun Markus Sauerbruch ed il president dal cussegl d'administraziun da la Retica, Stefan Engler (davos da san.).
Keystone
3 / 5
Legenda:
Quest accuplament duai simplifitgar a moda severa la vita tar la Viafier retica.
Keystone
4 / 5
Legenda:
Vi dal logo n'èsi betg sa midà insatge tar la Viafier retica.
Keystone
5 / 5
Legenda:
Pli cumfortabels duain ils novs vaguns da la Retica esser.
Keystone
Il principi dal tren ad autotracziun accuplabel
Tar il traffic cun ils trens ad autotracziun accuplabla vai per nagut auter che quai ch'ins po parter ils trens sin viadi. Quai munta ch'ins po separar dus tocs dal tren in da l'auter a moda automatica e lura charrar enavant be cun ina part u cun duas parts en duas differentas direcziuns. Cun quai vegn spargnà bler temp ch'ins ha duvrà fin uss per mintgamai distatgar la locomotiva dal tren, ir cun quella da l'autra vart dals vaguns, puspè pender tiers ella e lura puspè charrar enavos.
Signalament
Avrir la boxSerrar la box
361 milliuns francs
164 sezs confortabels (da quai 35 en 1. classa)
bischlas da contact en tut ils vaguns
transmissiun da la vista da la locomotiva en ils vaguns
fanestras pon vegnir avertas en tut ils vaguns
avunda plaz per skis, valischs, e bikes
spertadad da max. 120 kilometers l'ura
adattà per persunas cun impediments (tualettas, plazzas per sutgas cun rodas, e scrittira tactila)
