La Viafier retica ha cumplettà oz venderdi ses cussegl d'administraziun cun Beatrice Baselgia-Brunner. Ella succeda ad Andreas Thöny ch'è sa retratg ord raschuns professiunalas, sco la Viafier retica scriva. La deputada dal Cussegl grond, Beatrice Baselgia-Brunner, è dasper Vera Stiffler la segunda dunna en il cussegl d'administraziun che sa cumpona da 7 commembers.
Vitiers ha la radunanza generala da la Viafier retica da liquidar las fatschentas statutaras. Pervi da la crisa da corona ha la radunanza gì lieu senza ils acziunaris.