Siglir tar il cuntegn
cuntegn

Chantun Viafier, gentar ed art – baccuns grischuns per regenza turitgaisa

Sin invit da la regenza grischuna ha la regenza dal chantun Turitg visità la mesemna il chantun Grischun. Visitar la Viafier retica, mangiar en il Signuradi e contemplar art èn stà tenor la communicaziun da regenza ils puncts da program.

La fotografia uffiziala da las regenzas davant il museum d'art a Cuira.
Legenda: La fotografia uffiziala da las regenzas davant il museum d'art a Cuira. mad

La delegaziun da Turitg è vegnida manada dal president da la regenza Markus Kägi. Accumpagnà è el vegnì da las cusseglieras guvernativas Carmen Walker Späh, Silvia Steiner, Jacqueline Fehr, dals cussegliers guvernativs Mario Fehr, Thomas Heiniger ed Ernst Stocker sco er dal chancelier Beat Husi.

L’on passà era la regenza grischuna a Turitg. Quest onn era la cuntravisita. Questas visitas servian a «en emprima lingia a tgirar las relaziuns amicablas ed a barattar experientschas sin ils champs da la cultura, da l'economia e da la politica», scriva la regenza en la communicaziun a las medias.

RR novitads 20:00