Bus plain passagiers che sa legran dad ir en l'Italia sin fieras per cumprar vin e panetone. Quai era il mintgadi per la firma da cars Roth a Cuira avant la pandemia da corona. E lura è tut sa midà davent dad in di sin l'auter. Ils 13 da mars ha la Confederaziun serra butias e tschertas fatschentas. Ils 14 da mars han era Roman Deflorin il possessur da la firma Roth e Claudio Frick stuì deponer ils numers dals sis cars gronds e dus bus pitschens. Els dastgassan tenor lescha bain anc ir cun bus, dentant ils clients han tuts stornà ils viadis.
Tschertgar alternativas
Bain han ils lavurers pudì annunziar lavur curta, tuttina è la firma uss vid tschertgar alternativas per ils chauffeurs, sco per exempel far gia uss la gronda schubregiada da primavaira ubain porscher transports da lavur a firmas che charravan lavurants en bus pitschens.
