Siglir tar il cuntegn

Header

cuntegn

Chantun Via dal pass Lucmagn vegn reparada

La regenza ha approvà il project da reparar la via dal Lucmagn. Il tschancun sa chatta en l’ost da la val sur il lai da fermada Santa Maria, gist davant il pass. Per pudair reparar la galaria èsi necessari cunzunt da renovar ils urs dals vials e da rinforzar ils palantschieus sura da la galaria.

Sper la sanaziun da la galaria sto a medem temp er vegnir reparada la punt sur l'aual Scopi, ch'è integrada en la galaria da lavinas, scriva la regenza. La galaria ch'è sutdividida en 108 blocs ha ina lunghezza da totalmain 1’948 meters.

Sanaziun d'ina collaziun impurtanta tranter Grischun e Tessin

La via dal Lucmagn è ina colliaziun impurtanta tranter il chantun Grischun ed il chantun Tessin. Las inspecziuns da l'ovra architectonica hajan mussà l'onn 2011 che la galaria ch'era vegnida construida ils onns 1960 saja en in nausch stadi.

Ina reparaziun da la galaria saja perquai indispensabla. Ultra da quai na correspundia l'ovra architectonica betg a las prescripziuns envers la segirezza structurala cunter lavinas.

RR novitads 10:00

Artitgels legids il pli savens