Siglir tar il cuntegn

Header

cuntegn

Chantun Valitaziuns gidan da reservar l'hotel per las vacanzas

Las valitaziuns dals hotels èn in bun agid per s'infurmar avant da cudeschar las vacanzas. Avant in pèr onns eran anc bleras notas e commentaris falsifitgads. Ma la situaziun è sa meglierada.

Norbert Hörburger
Legenda: L'expert da hotellaria Norbert Hörburger cusseglia da consultar ils portals da valitaziun. MAD

Da tschertgar sin ils divers portals en la rait las valitaziuns dad auters giasts ch'èn stads en in hotel, po gidar tar la decisiun da cudeschar las vacanzas u in viadi. Bunas valitaziuns mainan normalmain era tar bleras cudeschaziuns. Perquai avevan hotels era cumenzà a falsifitgar las notas ed ils commentaris. Ma tenor l'expert da hotellaria Norbert Hörburger è la situaziun ussa bler meglra. Ils portals hajan engrondì las equipas che sa stentan da filtrar ora valitaziuns manipuladas.

audio
Valitar hotels: la vista dal consument
ord Co e cum dals 02.10.2017.
laschar ir. Durada: 1 minuta 56 Secundas.
audio
Valitar hotels: la vista dal hotelier
ord Co e cum dals 21.01.2015.
laschar ir. Durada: 1 minuta 43 Secundas.

Notas e commentaris èn fitg impurtantas per ils hotels

Mintga hotelier duess tenor Hörburger avair grond interess vi da las valitaziuns dals giasts. Ins na possia betg far nagut e guardar tge che capita. El cusseglia als hoteliers dad esser activs, e da motivar ils giasts da scriver commentaris e da dar notas. Era da duvrar ils portals per communitgar cun ils giasts saja d'avantatg per ils hotels.

RR actualitad 11:00

Artitgels legids il pli savens