Siglir tar il cuntegn

Chantun Val Parghera: emprima badigliada per sistem da protecziun nov

Ina nova ovra da protecziun per la Val Parghera duai porscher segirtad a lunga vista. Entaifer trais onns duai vegnir realisà quest project tranter Cuira e Domat.

Legenda: Guardar il video «Emprima badigliada per segirar la Val Parghera». Durada 2:44 minutas.
Or da Telesguard dals 04.04.2016.

Il rempar nov duai proteger la via chantunala tranter Domat e Cuira sco er la lingia da la Viafier retica e l'autostrada A13. En tut vegn il rempar a custar 17 milliuns francs. Il chantun contribuescha 9,4 milliuns francs.

Registraziun accelerada da la Val Parghera: matg 2013 fin schaner 2015

Ils ultims onns quiet ma avant 3 onns era bler material vegnì a val

Avant 3 onns eran plirs 100’000 cubics material vegnids a val ed avevan cuvert la via chantunala. Malgrà che la bova è stada quieta ils davos dus onns, quint ‘il chantun vinavant che pli grondas massas da material pudessan vegnir a val.

RR novitads 11:00