Siglir tar il cuntegn

Header

video
Dapi oz pon las gruppas da risico s'annunziar per la vaccinaziun
Or da Telesguard dals 12.01.2021.
laschar ir
cuntegn

Vaccinaziun en il Grischun Persunas da risico pon s'annunziar

A partir da quest mardi pon per entant persunas sur 75 onns sco er persunas creschidas cun malsognas cronicas preannunziar per in termin da vaccinaziun en il chantun Grischun.

Quai po vegnir fatg online u per telefon sur la hotline da vaccinaziun. I n’è betg pussaivel da tscherner libramain in termin. Quai ha communitgà l’Uffizi da sanadad.

Tar las malsognas cronicas tutgan:

Textbox aufklappenTextbox zuklappen
  • Insuffizienza dal cor ed angina dal pèz
  • Grevas malsognas da la via respiratorica
  • Greva insuffizienza dals gnirunchels
  • Ipertonia arteriosa
  • Diabetes mellitus
  • Adipositas
  • Defizienza d'immunitad

Tgi che na tutga betg tar la gruppa da risico sto anc spetgar intginas emnas, enfin ch'el u ella po sa laschar vaccinar. Quant svelt ch'ins po vaccinar gruppas pli grondas è dependent da la furniziun dals vaccins. Previs èn quellas vaccinaziuns l'avrigl.

Tar in'infecziun cun corona èsi da spetgar

Persunas ch'han gia gì corona ed han er survegnì in resultat positiv duain tenor il chantun almain spetgar trais mais enfin ch'ellas sa laschan vaccinar.

Betg sa laschar vaccinar duain persunas ch'han in'allergia sin ina cumponenta dal vaccin, cunzunt polietilenglicol, e dunnas ch'èn en speranza.

Far la vaccinaziun en las regiuns

Las gruppas da risico pon tut tenor la furniziun dal vaccin sa laschar vaccinar en ils ospitals regiunals pli gronds da Tavau, Glion, Poschiavo, Schiers, Scuol e Tusaun. Plinavant èn planisads ulteriurs centers en la Moesa, a Cuira ed a San Murezzan.

Tgi che vul laschar cussegliar, duai far quai tenor il chantun tar il medi u la media da chasa. Quels vegnan en il futur, cura ch'i dat dapli quantitads dal vaccin, alura er a porscher sezs las vaccinaziuns.

Il Minisguard explitgescha:

video
Co vegn in vaccin producì e co funcziuna el?
Or da Minisguard dals 09.01.2021.
laschar ir

RTR novitads 15:00

Artitgels legids il pli savens

Scrollar a sanestra Scrollar a dretga