Siglir tar il cuntegn

Header

cuntegn

Vaccinaziun cunter Covid-19 «Levs effects secundars èn normal tar ina vaccinaziun»

Ils ins na badan nagut da la vaccinaziun, auters passentan in di en letg per vegnir a frida cun ils effects secundars. Ch’i dat uschè effects tar ina vaccinaziun saja normal. Els sa mussan dentant tar mintga persuna different intensiv.

Quests effects secundars datti, tenor SwissMedic, il pli savens:

  • Mal il bratsch: tar circa 80% da las persunas vaccinadas,
  • Stancladad u mal il chau: tar la mesadad da las persunas vaccinadas,
  • Mal ils musculs u las giugadiras: tar in terz da las persunas vaccinadas,
  • Fevra: tar circa 10% da las persunas vaccinadas.

Per gronda part n'han ils effects nagin decurs gravant. Suenter dus fin trais dis laschian quels effects suenter. Durant las proximas duas fin trais emnas bajegia il sistem d'imunitad si ina protecziun cunter il coronavirus.

Tenor Christoph Küng, il responsabel per la sgürezza da medicamaints tar SwissMedic, haja fin uss dat nagins effects secundars ch'ins n'avess betg spetgà.

Grondas differenzas persunalas

Effects secundars sajan normal tar ina vaccinaziun. Quai ha ditg il immunolog e commember da la Taskforce scientifica da la Confederaziun, Christian Münz envers SRF. Quai sajan ina reacziun da defensiun dal corp.

video
Tge schabegia en il corp tar ina vaccinaziun? (SRF Puls)
Or da Puls dals 31.05.2021.
laschar ir

Quant ferm che quellas èn, dependa dal sistem d’immunitad d'ina persuna. Quellas e quels ch'han schon fatg atras in'infecziun cun corona u quels ch'han schon survegnì ina dosa dal vaccin, reageschan per regla pli ferm. Lur corp enconuscha ils proteins ord il vaccin e reageschan perquai pli spert e pli ferm. Dunnas mussian er pli savens effects secundars. Tenor l'immunolog hajan dunnas en general il pli ferm sistem d’immunitad – perquai la reacziun pli ferm.

Medicaments cunter effects secundars

Avrir la boxSerrar la box

Suenter la vaccinaziun poi dar effects secundars sco mal il chau. Cunter quels possian ins dentant bain prender per exempel Aspirin u Ibuprofen. Tenor Christian Münz na saja quai nagin problem. La maioritad da las persunas dal fatg sajan da l'avis, che medicaments senza recept n'hajan nagina influenza relevanta sin la protecziun d'ina vaccinaziun.

Sch'ils effects sa mussan pli ditg che 2-3 dis, recumonda il immunolog da consultar il medi.

RTR actualitad 11:15

Artitgels legids il pli savens

Scrollar a sanestra Scrollar a dretga