Vaccinar cunter grippa en apotecas

Vaccinar en apotecas duai daventar pussaivel. La regenza grischuna è pronta da midar l'ordinaziun tar la lescha da sanadad. Uschia duess vegnir stgaffì la basa legala, tenor la quala apotechers pon far tschertas vaccinaziuns senza in recept dal medi.

vaccinar

Legenda da maletgs: En il futur duai il vaccinar en apotecas esser pussaivel en il Grischun. Keystone

Quai respunda la regenza grischuna a la dumonda da la deputada Angela Casanova-Maron da la PLD.

Sa basond sin experientschas ch'èn vegnidas fatgas en il chantun Turitg vegnan en dumonda vaccins ch'ins enconuscha gia dapi blers onns e ch'èn per regla nunproblematics. Per exempel vaccinaziuns cunter la grippa e cunter l'encefalitis da zeccas sco era las vaccinaziuns consecutivas cunter hepatitis A, hepatitis B e hepatitis A e B, sche l'emprima vaccinaziun è vegnida fatga d'ina media u d'in medi.

Las persunas che dastgan vegnir vaccinadas ston esser saunas e ston avair almain 16 onns. Per giuditgar il stadi da sanadad ston las apotecras ed ils apotechers obtegnair ina scolaziun ed ina furmaziun supplementara correspundenta.

RR novitads 12:00