Siglir tar il cuntegn

Header

cuntegn

Uvestgieu da Cuira L'uvestg ha nominà trais vicaris generals

Il nov uvestg da Cuira, Joseph Bonnemain, ha nominà trais vicaris generals.

Quai èn Jürg Stuker per il Grischun, Luis Varandas per Turitg e Glaruna e Peter Camenzind per la Svizra originara. Jürg Stuker succeda cun quai al vicari general per il Grischun d’enfin qua, Andreas Fuchs. Quel vegnia degradà a vicari da l’uvestg, scriva il center da medias catolic, kath.ch. Andreas Fuchs resta en il cussegl da la diocesa e surpiglia la pastoraziun per migrants, conventuals e claustras.

L’uvestg, Joseph Bonnemain, ha plinavant nominà Brigitte Fischer Züger ed Urs Länzlinger Feller en il cussegl da la diocesa. Els dus surpiglian il ressort da persunal per l'entir uvestgieu. Ed era la chanceliera Donata Bricci fa da nov part dal cussegl da la diocesa.

audio
Per tadlar curt e cumpact
ord RTR Audio dals 12.04.2021.
laschar ir. Durada: 1 minuta 5 Secundas.

RTR novitads 12:00

Artitgels legids il pli savens