Siglir tar il cuntegn

Chantun Uvestg Vitus Huonder resta anc dus onns en uffizi

L’uvestg da Cuira Vitus Huonder resta anc dus onns en uffizi. Papa Francestg ha acceptà sia demissiun per Pasca 2019.

Legende: Video Uvestg Huonder stat anc ulteriurs dus onns uvestg abspielen. Laufzeit 2:34 Minuten.
Or da Telesguard dals 04.05.2017.

Uvestg Vitus Huonder aveva inoltrà sia demissiun sco quai ch'il dretg ecclesiastic prevesa, il di da ses 75avel anniversari l'avrigl.

Sco quai ch'il pledader dal uvestgieu da Cuira Giuseppe Grazia scriva, saja l'uvestg Vitus Huonder engraziaivel per la decisiun dal papa ch'el po restar uvestg per ulteriurs dus onns. Uschia saja la cuntinuitad da l'uvestgieu garantida, vegn l’uvestg cità.

Era l'antecessur da Huonder, Amédée Grab, era stà dus onns pli ditg en uffizi sco uvestg da Cuira.

Las reacziuns èn maschadadas

Sin la decisiun ch'uvestg Vitus Huonder restia dus onns dapli en uffizi ha il president da la conferenza dals uvestgs svizzers, Charles Morerod reagì cun ils pleds:

Nus avain intervegnì da la decisiun e sa chapescha che nus acceptain quella.
Autur: Charles MorerodPresident da la conferenza dals uvestgs svizzers

Auter tuni davart da l'iniziativa spirituala. Lezza scriva che questa novitad haja schoccà. Che Roma n'haja betg communitgà la raschun persuenter vegn commentà sco suonda:

Ina giada dapli vegnin nus tractads sco uffants minorens che n'han betg il dretg da savair, pertge che lur superiurs han decidì uschia e betg auter
Autur: Iniziativa spirituala

Ins possia era interpretar quai sco intimaziun da vegnir sez a soluziuns raschunaivlas entaifer dus onns, scriva l'iniziativa spirituala en lur communicaziun a las medias.

Co funcziuna l'elecziun da l'uvestg insumma?


Legende: Video Co tscherner in nov uvestg? abspielen. Laufzeit 1:08 Minuten.
Or da RTR dals 17.12.2016.

RR novitads 06:30