Siglir tar il cuntegn
Inhalt

Chantun Uvestg da Cuira deplorescha

L'uvestg da Cuira, Vitus Huonder, deplorescha sche ses referat en la Germania saja vegnì chapì sco discriminaziun. Quai scriva l'uvestg en ina posiziun. Il tema principal da quai referat saja stà la lètg ord vista cristiana. El haja cità pliras passaschas dischagreablas ord la bibla.

Vitus Huonder.
Legenda: L'associaziun tetgala d'umens omosexuals svizra pretenda sin sia pagina d'internet ina perstgisa ufficiala. Keystone

A chaschun dad in forum aveva l'uvestg cità en in referat passaschas da la bibla, nua che l'omosexualitad vegnia chastiada cun la mort. Cun declerar las passaschas correspundentas da la bibla ha l'uvestg dà ina schleppa a las teorias da gender, al divorzi, a l'educaziun sexuala ed a la lètg omosexuala. Ses pled da 50 minutas è da vesair sin il portal d'internet catolic kathtube.com.

Pink Cross pretenda perstgisa uffiziala

L'associaziun tetgala d'umens omosexuals svizra Pink Cross è «schoccada e grittentada» da las remartgas da Huonder. Sin lur pagina d'internet pretenda l'organisaziun ina «perstgisa uffiziala per il malpass repetì». Pink Cross vegnia ad examiar la pussaivladad da persequitar tals pleds instigants.

RR novitads 06:00/11:00