Siglir tar il cuntegn
cuntegn

Chantun Urs Cadruvi banduna la Lia Rumantscha

Il secretari general da la Lia Rumantscha (LR), Urs Cadruvi, demissiunescha per la fin da matg 2017. El è vegnì elegì sco vicedirectur da la Fundaziun Flury a Schiers/Aschera. Johannes Flury, il president da la LR, deplorescha fermamain la demissiun da Cadruvi.

Urs Cadruvi banduna la Lia Rumantscha la fin da matg 2017.
Legenda: Urs Cadruvi banduna la Lia Rumantscha la fin da matg 2017. RTR, René Spescha

L’econom da manaschi era secretari general da la Lia Rumantscha dapi il november 2007. Ils emprims onns ha el surtut procura per ina sanaziun da las finanzas ed ina reorganisaziun da las structuras da la LR.

Cunzunt la digitalisaziun ha dominà il temp d’uffizi da Cadruvi

Sco la LR scriva ha Cadruvi mess ils accents tranter auter per crear in program per famiglias per promover il rumantsch tar ils uffants e giuvenils. Il temp d’uffizi da Cadruvi è stà caracterisà da la digitalisaziun e dal augment da la mobilisaziun nua che adina novs products e servetschs electronics per promover il rumantsch èn vegnids creads, scriva la LR.

Tenor il president da la LR Johannes Flury vegn la plazza dal secretari general publitgada proximamain.

RR novitads 17:00