Siglir tar il cuntegn

Header

audio
KMUs han da cumbatter - survista Uniun grischuna d'artisanadi e mastergn
Or da Actualitad dals 08.04.2020.
laschar ir. Durada: 4 minutas 3 Secundas.
cuntegn

Uniun d'artisanadi e mastergn Jürg Michel: «Jau sper ch'i resta tar in egl blau»

Cun mintga di da l'epidema patescha l'economia en il chantun in zic pli fitg. Dentant il pachet da mesiras da sustegn vegnia utilisà bain. Qua insaquantas cifras:

  • il mars han radund 5'000 fatschentas annunzià lavur curta per radund 45'000 lavurants.
  • las bancas dal Grischun han dà radund 1'500 credits dad en media 120'000 francs.
  • radund 2'300 persunas ch'èn sur sasezzas èn s'annunziadas tar l'assicuranza per perditas da gudogn

Sche la crisa saja baud a fin, vegni il Grischun anc davent cun in egl blau, di Jürg Michel, il directur da l'Uniun grischuna d'artasinadi e mastregn. Dentant segir vegni quai er a dar firmas pitschnas ubain mesaunas, che mondian concurs pervi dal coronavirus.

audio
KMUs han da cumbatter - survista Uniun grischuna d'artisanadi e mastergn
ord Actualitad dals 08.04.2020.
laschar ir. Durada: 4 minutas 3 Secundas.

Plattafurma da barat en temp da corona

L'Uniun grischuna d'artisanadi e mastergn vul sa gidar cun firmas che pateschan da la crisa da corona. Quai cun ina plattafurma nua che persunas ch'èn il mument sfurzadas da far lavur curta pon sa gidar cun fatschentas ch'han dapli lavur pervia da la situaziun acutala, ha declerà il directur da l'uniun Jürg Michel. En il chantun Glaruna dettia gia ina tala plattafurma a partir da l'autra emna vul er il Grischun sa partizipar en chaussa. Lavurar per in auter patrun durant lavur curta è lubi. La paja ch'ins survegn lura però sto vegnir adattada.

RTR actualitad 07:00

Artitgels legids il pli savens