Siglir tar il cuntegn

Header

cuntegn

Chantun Unia vul proteger meglier il persunal da vendita a Cuira

A Cuira duai quai en l’avegnir dar ina pratica pli restrictiva davart la vendita da dumengias. Ord quest motiv ha il sindicat Unia Grischun inoltrà a la citad da Cuira ina petiziun cun 440 suttascripziuns. Ella pretenda ina meglra protecziun dal persunal da vendita.

Il sindicat Unia Grischun ha inoltrà ina petiziun cunter la lavur da la dumengia al cussegl da la citad da Cuira. La raschun per la petiziun cun 440 suttascripziuns saja ch'i haja gist dà 3 venditas da la dumengia l'ultim december, scriva il sindicat.

Sindicat crititgescha il cussegl da la citad

L'Unia pretenda perquai ch'il cussegl da la citad na sa laschia betg metter sut squitsch pli ditg dals grossists e refusia en l'avegnir dumondas per avrir las butias la dumengia, quai cun prender resguard sin il persunal da vendita.

Sco l’Unia scriva, hajan ils partenaris socials chattà il 2011 ina soluziun per il problem dals temps d’avertura da butias. Il sindicat crititgescha il cussegl da la citad. Lez haja «torpedà» quella soluziun cun sia pratica unilaterala ed arbitrara.

RR novitads 17:00

Artitgels legids il pli savens