Siglir tar il cuntegn

Header

cuntegn

Chantun Turissem grischun survegn dapli schlantsch

Bunas novas per il turissem grischun. Tenor las prognosas dal post da conjunctura KOF da l'ETH Turitg è il dumber da pernottaziuns creschì la stagiun da stad per 4,6%. Per la stagiun d’enviern quintan ils experts cun in plus da 2,8%.

audio
Las prognosas dal KOF per il turissem
ord Novitads dals 26.10.2017.
laschar ir. Durada: 41 Secundas.

Suenter onns difficils survegn il turissem Grischun puspè dapli schlantsch. La stagiun da stad è il dumber da pernottaziuns creschì per 4,6% per la stagiun d'enviern fa il post da conjunctura da l'ETH da Turitg quint cun in plus da 2,8%. Cumpareglià cun las ulteriuras regiuns turisticas sco la il Valais è il Grischun però levet sut la media. Il pli grond carschen vegn prognostitgà per la Part Sura Bernaisa quai surtut pervia dals giasts ord la China.

L'enviern vegnia surtut puspè spetgà dapli giasts da la Germania, la Frantscha e l'Italia, uschia ils experts dal KOF. La raschun è che l'economia en il territori da l'euro sa revegn. Ma surtut ils giasts ord la Svizra èn impurtants per la stagiun d’enviern quels fan ora quasi la mesadad da tuts ils osps, uschia il KOF.

RR novitads 12:00

Artitgels legids il pli savens