Siglir tar il cuntegn

Header

cuntegn

Turas virtualas en museums Ils museums grischuns avran lur portas

Las mesiras da corona sforzan ils museums da serrar lur portas. Ins po dir che nus avain en il mument ina societad senza cultura e senz’art. RTR porta tuttina in zichel art e cultura tar Vus a chasa. Cun turas virtualas lain nus dar a Vus in’invista en dus museums dal chantun Grischun.

Museum d'art dal Grischun

L’entschatta da nossas turas virtualas fa il Museum d’art dal Grischun a Cuira. Cun la villa Planta e l’edifizi nov ch'è vegnì inaugurà l’onn 2016 po il museum porscher art contemporana, dentant er purtrets dad Angelika Kauffmann, Ernst Ludwig Kirchner u da la famiglia Giacometti.

(Sche Vus guardais quest video sin Voss telefonin, lura smatgai sin il titel dal video, lura s'avra l'app da youtube e Vus pudais guardar il video en 360-grads.)

Museum regiunal Surselva

Noss segund stop da la tura da museums va en la Surselva, pli precis en il museum regiunal Surselva. Il museum è in museum etnograf, pia in museum da la patria. L’exposiziun consista ord differentas tematicas da mintga vallada da la Surselva. Er las differentas cuminanzas linguisticas vegnan resguardadas en l’exposiziun: Ils Rumantschs, ils Tudestgs ed ils Gualsers.

(Sche Vus guardais quest video sin Voss telefonin, lura smatgai sin il titel dal video, lura s'avra l'app da youtube e Vus pudais guardar il video en 360-grads.)

Museum regiunal Surselva

Co guardar videos da 360 grads?

Videos da 360 grads pudais Vus il meglier guardar cun Voss telefonin. Cun muventar quest pudais Vus eleger sez en tge direcziun che Vus vulais guardar. Medemamain èsi er pussaivel da guardar ils videos vid il desktop, là sto dentant vegnir muventà il purtret cun la mieur.

Ils videos datti er sin nossa pagina da Facebook , il link avra en ina nova fanestrau sin noss chanal da Youtube, il link avra en ina nova fanestra.

RTR

Artitgels legids il pli savens

Scrollar a sanestra Scrollar a dretga