Siglir tar il cuntegn

Chantun Tscharner SA: la branscha grischuna è per part surstada

Che la firma da puntanadas Tscharner SA a Domat duai avair engianà ses lavurers per plirs milliuns francs cun manipular las uras da lavur è era per in u l’auter en la branscha da puntanadas ina surpraisa.

La firma Tscharner SA a Domat.
Legenda: A la firma Tschaner SA vegni fatg grevas rinfatschas da cugliunaria. RTR

Per quels interprendiders ch’han dentant gì contact cun anteriurs collavuraturs da la Tscharner SA, n’èn quellas rinfatschas ch’il sindicat Unia ha fatg public ier mesemna, nagina surpraisa.

Daniel Moser da la firma da puntanadas Moser manegia per exempel ch’el saveva gia dapi onns da las cugliunarias da Tscharner, quai d'anteriurs collavuraturs da la Tscharner. «Quels han mintga giada confermà a mai, cura ch'els èn vegnids a sa preschentads per ina plazza, che la firma Tscharner na paja betg sururas», uschia Daniel Moser.