Siglir tar il cuntegn

Chantun Tscharner SA: Chantun saveva dals suspects

L’Uffizi chantunal per industria, mastergn e lavur saveva dals suspects encunter la firma da puntanadas Tscharner SA, ha fatg a savair il sindicat Unia.

Legenda: Guardar il video «Chantuna saveva da suspects envers la Tscharner SA». Durada 1:34 minutas.
Or da Actualitad video dals 09.04.2015.

Ins haja gì contact cun la firma avant bun 2 onns, ha conferma il schef da l’uffizi chantunal Paul Schwendener. Tut ils documents da la Tscharner SA sajan lura vegnids controllads. Ins n’haja però chattà nagut che fiss stà fauss, uschia che saja simplamain stà indizis. Indizis che la Tscharner SA haja cugliunà ils agens lavurers.

Chantun na vul midar nagut vid sias controllas

Actualmain saja però vinavant da parter dal fatg che la firma da puntanadas Tscharner saja senza culpa. Era sch’i vegniss a la glisch che las rinfatschas constattan, na sajan betg necessarias midadas tar la controlla davart dal chantun, di Paul Schwendener.