Siglir tar il cuntegn
cuntegn

Chantun Trio cugliuna dunna (62) per 30'000 francs

Grazia a la buna collavuraziun da la procura publica dal Grischun e la polizia franzosa hajan ils trais suspectads pudì vegnir arrestà en Frantscha – scriva la Polizia chantunala en ina communicaziun.

30'000 francs mess da maniera fotogena sin ina maisa.
Legenda: La dunna ha gì gronda fortuna – la polizia ha pudì dar enavos tut ils 30'000 francs. mad, polizia chantunala

Il mars passà haja la dunna (62) survegnì in telefon dad in um, spezifitgescha la polizia il cas. Cun «vusch confidenta» saja reussì a l'um da far crair a la dunna, ch'el saja in enconuschent dad ella e ch'el dovria raps per in'investiziun a curta vista. Sinaquai saja la dunna ida per 30'000 francs ed haja surdà quels ad in currier.

Suenter avair udì nagut pli da ses enconuschent saja la dunna vegnida disfidanta ed haja contactada la polizia chantunala dal grischun. Grazia a la stretga collavuraziun da la procura publica dal grischun e las autoritads franzosas hajan ins arrestà anc la medema saira trais persunas a Mulhouse (F). Al medem mument haja la polizia er pudì recuperar la summa cumpletta da 30'000 francs e restituir ella a la dunna.

Tar il cugliunaders supponids sa tractia da trais Polacs tranter 18 enfin 21 onns. Uss hajan els da sa responsar davant la giustizia, terminescha la polizia sai communicaziun.

RR novitads 16:00