D’enviern, sche persunas rivan en ina lavina è il Salvament alpin svizzer sper la REGA quels che vegnan clamads sco emprims per chattar las persunas. Oravant tut sche l’aura na lubescha betg da sgular. Esser pronts per tals cas è perquai fitg impurtant. En il territori da Pischa a Tavau ha questa fin d’emna giu lieu in curs da salvament, nua che tut ils manaders da las differentas staziuns da salvament en il Grischun han trenà il cas serius.
Quant actual che la situaziun èra la fin d’emna è vegnì cler cura che dus participants dal curs han stuì bandunar l’exercizi pervi dad in cas serius.