Siglir tar il cuntegn

Chantun Tolerar ils lufs

Grischunas e grischuns èn da l'avis da tolerar ils lufs en il chantun.

grafica lufs
Legenda: En tut 59% dals dumandads vulan tolerar ils lufs, 27% vulan evitar els ed 11 % vulan promover la populaziun da lufs. RTR

Ina maioritad dal Grischun è da l'avis da tolerar ils lufs che vivan en il chantun. Quai mussa ina retschertga che l'institut Demoscope ha fatg sin incumbensa da RTR, la Südostschweiz ed il schurnal regiunal da radio SRF.

59% da las persunas dumandadas vulan tolerar ils lufs, 27% vulan impedir els ed 11 % vulan promover la populaziun da lufs.

Sceptica en Surselva ed en il sid

La retschertga mussa era che persunas da regiuns periferas èn plitost scepticas, entant che tar persunas che vivan en citads u l'aglomeraziun è il luf pli bainvesì.

La pli gronda cumpart da las persunas che vulan il pli gugent evitar ch'ils lufs sa domicilieschan en il Grischun derivan da la Surselva e da las valladas dal sid.