Tge vischnancas èn anc rumantschas?

En las vischnancas grischunas duai quai dar enquistas per eruir tgeninas che valan sco monolinguas e tgeninas sco bilinguas.

Dumbraziun dal pievel

Legenda da maletgs: Dapi l'onn 2010 n'è la dumbraziun dal pievel federala betg pli cumplessiva. Keystone

Dapi il 2000 mancan questas datas numnadamain cunquai che la dumbraziun dal pievel federala na cumpiglia betg pli questas cifras.

En il focus èn surtut vischnancas nua che la cumpart dals Rumantschs u Talians è tranter 20 e 50%. Ina vischnanca vala lura sco rumantscha u taliana sch’almain 40% dals abitants èn rumantschs u talians. Sco bilinguas valan talas cun passa 20% Rumantschs u Talians.

Per vischnancas ch’èn vegnidas fusiunadas cun vischnancas tudestgas vala però ina definiziun speziala.

RR novitads 14:00