Siglir tar il cuntegn

Header

Navigaziun

Legenda: Tadlar il audio Social media - ina schanza per interpresas. Durada 02:43 minutas.
Or da Actualitad dals 10.06.2016.
cuntegn

Chantun Tge porta social media a mia interpresa?

Ina messadi da 140 segns u in pitschen video ord la interpresa. La communicaziun sa mida cun in tempo rasant. Ma quant fitg pon interpresas pitschnas mesaunas (KMU) profitar da questas pussaivladads?

Facebook, Twitter, Instagram e collegas - social media, insatge nizzaivel per interpresas? «En mintga cas», di Mattias Nutt, expert da social media a Cuira. Impurtant simplamain: Creativitad

Social media po gidar da far pli popular in'interpresa. Ma i n'è gnanc uschè simpel da chattar la dretga dosa da reclama, transparenza u interacziun.

Insaquants puncts che gidan:

  • Qualitad è pli impurtant che quantitad: Pli gugent publicar in zichel pli pauc che memia bler. Sch’ins è memia activ van ins spert sin la gnerva ad auters.
  • Mussar vischinanza: Igl è bun da publitgar magari chaussas che capitan davos las culissas. Quai interessa tuts.
  • Esser innovativs e flexibels: Il mund sin ils chanals da social media sa mida spert. Pia, adina avair avert ils egls ed empruvar ora novas chaussas. Chaussas ch’il concurrent na porscha betg sin Facebook u Twitter.
  • Prender serius critica.: Datti critica via social media èsi bun da reagir ed interagir. Il pli nausch ed in no-go è da stizzar tut ils commentaris negativs.
Legenda: Guardar il video Esser activ sin social media. Durada 00:24 minutas.
Or da RTR dals 09.06.2016.
Avair plaschair vid ils chanals da social media è in punct central.
Autur: Mattias Nuttexpert da social media

Dapli lavur grazia a social media?

Na, uschè simpel n'èsi betg. La finamira principala na duaja betg esser da gudagnar uschè blers clients sco pussaivel entras social media, di Mattias Nutt.

Las plattafurmas da social media duajan esser qua per esser preschent. E sch’ins survegn lavur, grazia a Facebook u Twitter – tant meglier.

En Svizra èn passa 3,5 milliuns persunas activamain sin Facebook. Il potenzial da cuntanscher persunas è immens.