Siglir tar il cuntegn
Inhalt

Chantun Tgè pail traglischa il pli bel?

Il pail sto traglischar, la cua esser lunga avunda, las griflas tagliadas - cur ch'ils giats van avant la giuria da l'exposiziun internaziunala da giats ch'ha gì lieu quella giada a l'avertura da la Higa, ston els esser fittads.

Legende: Video Uschè guardan els or: Ils bels giats da l'exposiziun abspielen. Laufzeit 00:52 Minuten.
Or da RTR dals 21.05.2017.

Sco mintg'onn la primavaira èsi puspè temp per la Higa. Cun l'avertura han era giats da l'entir mund gì lur inscenaziun. La 63avla exposiziun internaziunala da giats ha numnadamain gì lieu a la Higa.

Cunzunt allevaturs da giats dentant era amaturs dals minmins han preschentà lur 'beautys' a la giuria - per l'ina è quai stà Gina Grob, per l'autra Alfred Wittich. E la giuria mira propi sin tut: «La fatscha, las ureglias, ils egls, la colur dals egls, la cua ... quella na dastga per exempel betg avair in 'knick'».

Cun schampo e conditioner

E per ch'ils giats sajan lura era bels cur ch'els vegnan sin la maisa da la giuria survegnan els insaquantas uras avant l'exposiziun adina anc in tractament spezial. Per exempel èsi da tagliar giu ad els ils piz da las griflas, per ch'els na fetschian betg mal a la giuria. E per ch'il pail traglischi lura fani in bogn, cun schampo e conditioner. E pil 'finish' datti anc in puder ch'ins po stregliar en il pail.

RR actualitad 08:00