Siglir tar il cuntegn
cuntegn

Chantun Tge far per evitar diabetes

Ils 14 da november è il di mundial da diabetes, la malsogna da zutger. Tar diabetes dat quei dus tips; tip 1 è ina malsogna d'autoimmun e po tutgar mintgin, il tip 2 vegn sustegnì entras in stil da viver malsaun cun pauc moviment e surpaisa.

Legenda: Guardar il video film diabetes. Durada 01:06 minutas.
Or da RTR dals 14.11.2016.

Tge è diabetes insumma? Igl è ina malsogna che semussa entras l'aut livel da zutger en il sang. Quel vegn perquei che l'insulin manca (diabetes mellitus tip 1) u perquai che l'insulin perda ses effect (diabetes mellitus tip 2). Insulin è in hormon che vegn producì da la pancrea (Bauchspeicheldrüse) ed el dovra quai per regular il livel da zutger en il sang. L'insulin è sco la clav che guarda che las zellas s'avran per il zutger.

Tge pon ins far encunter?

Encunter il tip 1 na datti nagut auter che dar insulin d'extern. Encunter il tip 2 pon ins dentant far insatge cun viver sanadaivel: dapli moviment, reducir surpaisa, betg fimar e sa nutrir pli sanadaivel.