Siglir tar il cuntegn

Header

Navigaziun

silva semadeni al microfon
Legenda: La cussegliera naziunala Silva Semadeni (PS) è fitg sceptica vers la candidatura grischuna per ils gieus olimpics d'enviern 2026. Keystone
cuntegn

Chantun Tge ch'ils adversaris din da la candidatura

Critica e sceptica datti era vers la candidatura che la regenza ha preschentà. Quai surtut da la vart da questas persunas ch'avevan avant 3 onns gia cumbattì cunter ina candidatura grischun per gieus olimpics.

A la testa dal moviment cunter la candidatura grischuna per gieus il 2022 era la cussegliera naziunala grischuna Silva Semadeni dalla Partida socialdemocratica (PS). Ed era tar la secund'emprova è ella da l'opiniun che gieus olimpics en il Grischun – u insumma en Svizra – fetschien dapli donn che quai ch'els portian.

Ella stoppia bain l'emprim anc studegiar en detagl il messadi, però è per Semadeni gia cler che gieus olimpics sajan adina in eveniment gigantesc. Ella dubita era da la duraivladad da l'infrastructura che stoppia vegnir bajegiada, u almain renovada e sanada ils proxims onns.

I dat in pèr bunas ideas. Però nus savain exactamain che gieus olimpics n'èn betg duraivels.
Autur: Silva Semadenicussegliera naziunala PS

Pauc optimistica è Silva Semadeni pertutgant las infurmaziuns avant maun. Questas sajan anc memia pauc segiras. Saja quai ils custs, il traffic u la segirtad, tgi che saja la citad ospitanta, ubain era tge rolla che Turitg veglia giugar.

RR actualitad mezdi 11:00