Siglir tar il cuntegn

Header

cuntegn

Chantun Temperaturas da record en il Grischun

Il december 2015 è stà bler memia chaud, e quai era en il Grischun.

Novs records da temperaturas hai dà a Tavau, Mustér, sin il Weissfluhjoch e sin il Corvatsch. Là saja stà 1,5 enfin 2 grads pli chaud che quai ch’ins haja mesirà enfin ussa. Quai ha SRF Meteo confermà sin dumonda dad RTR.

Tge che fa era surstar ils meteorologs èn ils dis da glatsch, pia ils dis nua che las temperaturas restan l’entir di sut nulla grads: A Samedan u Tavau n’hai dà insumma nagins dis da glatsch il december. Normalmain mesira SRF Meteo a Samedan 19 ed a Tavau 15 dis da glatsch.

audio
Mezdi: Memia chaud e nagins dis da glatsch il december 2015
ord Actualitad dals 30.12.2015.
laschar ir. Durada: 1 minuta 35 Secundas.

RR novitads 14.00

Artitgels legids il pli savens