Siglir tar il cuntegn

Header

cuntegn

Chantun Temas èn sa verifitgadas tar project d'egualitad

En il project interregiunal «betrifft:frauen entscheiden» èn las temas che dunnas sajan sutrepreschentadas en funcziuns da manar e da decider sa verifitgadas. Il project è vegnì fatg dal Grischun, dal Principadi da Liechtenstein e dal Vorarlberg en l'Austria.

Il project «betrifft:frauen entscheiden» va a la fin suenter dus onns cun in simposi dal fatg a Bregenz. La finamira dal project è stada da motivar e rinforzar buobas e dunnas giuvnas da s'interessar per funcziuns da manar e decider.

audio
Bunura: Paucas dunnas en la politica e l'economia
ord Actualitad dals 22.11.2017.
laschar ir. Durada: 3 minutas 17 Secundas.

Temas èn sa verifitgadas

En in'emprima fasa dal project èn vegnidas rimnadas datas. Quellas han verifitgà las temas da Tamara Gianera, la manadra dal post per egualitad tranter um e dunna en il Grischun.

Sutrepreschentà en economia e politica

Las datas mussian che las dunnas sajan effectiv fitg sutrepreschentadas cunzunt en l'economia. Là èn be 3% dunnas en funcziuns da manar u da decider. Dentant er en la politica èn dunnas sutrepreschentadas. En il Cussegl grond dal Grischun èn per exempel be 19% dunnas.

Perquai hai er dà ina segunda fasa cun in parlament da buobas, scolaziuns da politica ubain er da social media. Tamara Gianera spera fitg ch'i dettia en in pèr onns puspè in project sumegliant e che las cifras guardian lura ora in zic meglier che uss.

RR actualitad 08:00

Artitgels legids il pli savens