Siglir tar il cuntegn

Header

Bajetg da la Teleraetia
Legenda: Ils biros da la marca Teleraetia sa chattan a Panaduz. MAD
cuntegn

Chantun Teleraetia ha adina pli paucs clients

Dapi l’onn 2004 è la Swisscom responsabla per il product Teleraetia che proveda il Grischun cun 20 chanals da televisiun e 9 da radio. Tenor la Swisscom sa sminueschia il dumber da clients da Teleraetia cuntinuadamain, cifras na vul la Swisscom però betg numnar.

Tenor la pledadra Annina Merk na fetschia la Swisscom betg in grond gudogn cun Teleraetia, il product na saja dentant betg deficitar. “Per nus è Teleraetia ina part dal provediment da basa, che nus vulain porscher era en l’avegnir”.

Nagina qualitad HD

Quant ditg ch’ins possia però anc mantegnair la purschida, na saja betg cler. “Il mument n’èsi nagin tema da chalar cun Teleraetia, perquai ch'il servetsch vegn anc duvrà stediamain”, di la pledadra. Da schlargiar la purschida sin chanals da HD cun auta resoluziun, na saja però betg previs, quai custia memia bler.
La Teleraetia SA era vegnida fundada dal chantun avant passa 30 onns per porscher a las regiuns emetturs da televisiun esters. L’onn 2004 ha il chantun vendì la Teleraetia SA a la Swisscom Broadcast SA.