Siglir tar il cuntegn

Header

Lavurs da renovaziun en la baselgia da Stussavgia.
Legenda: Lavurs da renovaziun en la baselgia da Stussavgia. MAD
cuntegn

Chantun Taglia sin interpresas: Damain daners per renovaziuns

La Baselgia evangelica avertescha da las consequenzas negativas ch'in gea a l'urna avess. Tschertas prestaziuns stuessan vegnir scursanidas.

La Baselgia evangelic-refurmada dal Grischun tema cun 5 fin 10% damain entradas sche la lescha davart la refurma da l'imposiziun da taglia sin interpresas III vegn acceptada. Tenor il president dal cussegl-baselgia, Andreas Thöny, stuess ins giuditgar da cas tar cas, tge prestaziuns che vegnissan scursanidas. Tenor pussaivladad na vul Thöny betg scursanir prestaziuns da l'assistenza spirituala en ospitals e praschuns, tar la furmaziun e la cussegliaziun.

Per Thöny fiss era cler ch'ins stuess discutar cun la regenza davart pajaments da cumpensaziun, per exempel areguard lavurs da renovaziun da baselgias che stattan sut protecziun da monuments. Quai scriva la Baselgia evangelic-refurmada en ina communicaziun.

RR novitads 12:00