Siglir tar il cuntegn
Inhalt

Chantun Svizzers fan gugent vacanzas en il Grischun

Il matg han ils hotels en il Grischun nudà dapli pernottaziuns ch’anc avant in onn. En tut ha quai dà 122'025 pernottaziuns, in augment da 3,4%, scriva l’Uffizi per economia e turissem.

Ils hotels da San Murezzan.
Legenda: Ils hotels da San Murezzan nodan il matg 12% dapli pernottaziuns ch'avant in onn. Keystone

Passa 60% dals giasts che stattan sur notg en hotels grischuna d’arrivan ord da la Svizra.

Differenzas tranter las regiuns

Ils gronds perdents dal matg èn las destinaziuns Surselva (-23,3%), Savognin Beiva Alvra (-14,3%) e Scuol Samignun Val Müstair. Las cifras èn mintgamai en cumparegliaziun cun l’onn avant. Ils pli auts augments nodan las destinaziuns Arosa (+77%), Signuradi (+26,2%) e la citad da Cuira (+20,4%).

Il 2016 han ils 728 manaschis registrads en la hotellaria Grischuna nudà 4’627’447 pernottaziuns. En cumparegliaziun cun l’onn avant è quai in minus da 1,9%. L’utilisaziun da tut ils letgs avant maun ha muntà il 2016 a 27,8%, scriva l’Uffizi per economia e turissem.

Era en l’entira Svizra s’augmentan las pernottaziuns

En l'entira Svizra ha l'hotellaria nudà totalmain 2,8 milliuns pernottaziuns. Quai è in plus da 4,5%.


Legenda:
Pernottaziuns en Grischun: Cliccar sin ils onns per activar e deactivar las lingias per cumparegliar las pernottaziuns da differents onns. ORIGINAL Quai è il diagram cun tut las cifras - mo duvrar per retschertgas Cifras da l'Uffizi federal da statistica (2005-2018)

RR novitads 10:00