Siglir tar il cuntegn

Header

Navigaziun

Legenda: Tadlar il audio Ils fatgs da la candidatura. Durada 03:44 minutas.
03:44 min, Actualitad dals 28.09.2016.
cuntegn

Chantun Sviluppar il Grischun cun ils gieus olimpics 2026

Cun ina candidatura decentrala è la regenza persvadida da pudair sviluppar il chantun Grischun economicamain e socialmain. Quai però cun evitar ch'i dettia ruinas d'infrastructura suenter ils gieus.

Mesemna ha la regenza publitgà ses plans per la candidatura dal Grischun per gieus olmipics d'enviern 2026. Quai suenter critica adina pli ferma ch'i dettia memia paucas infurmaziuns fin ussa. Critica, encunter la quala la regenza ha adina puspè stuì sa dustar.

Aifer il Grischun

  • San Murezzan *
  • Tavau *
  • Lai/Arosa
  • Flem/Laax
  • Cuira *

* eventualmain lieu ospitant.

Ordaifer il Grischun

  • Turitg/Kloten
  • Nossadunaun
  • Engelberg

Gieus olimpics decentrals

Per evitar ruinas d'infrastructura restantas suenter ils gieus, preveda la regenza gieus decentrals. Là, nua che l'infrastructura exista gia.

Betg senza sustegn da la Confederaziun

Cunquai sajan tals gieus en il Grischun era da muntada naziunala, di la regenza grischuna. Uschia formulescha ella era la cundiziun dira: Sche la Confederaziun na surprendia betg la garanzias necessarias, ubain il comité olimpic internaziunal formuleschia anc ulteriuras cundiziuns, lura vegnia il Grischun a desister d'ina candidatura.

25 milliuns per 3 onns fasa da candidatura

Ils 12 da favrer duai la populaziun grischuna decider davart il credit da 25 milliuns francs per la candidatura. Questa dura radund 3 onns fin ch'ils gieus olimpics 2026 d'enviern vegnan surdads uffizialmain il fanadur 2019.

Da la summa da credit quinta la regenza tenor il messadi da duvrar radund 1 milliun francs per atgnas retschertgas. Ils ulteriurs 24 milliuns fancs duain la Confederaziun, Swiss Olympic e las destinaziun pertutgadas surprender.

Opposiziun resta sceptica

Critica e sceptica datti era vers la candidatura che la regenza ha preschentà. Quai surtut da la vart da questas persunas ch'avevan avant rodund quatter onns gia cumbattì cunter ina candidatura grischun per gieus olimpics. A la testa dal moviment: la cussegliera naziunala Silva Semadni (PS).

Medem sco avant quatter onns per ils gieus d'enviern 2022 tuni era oz – Ils burghais èn per ils gieus olimpics d'enviern 2026 ed ils sanesters èn encunter.

Conferenza per ils meds da massa da la regenza grischuna

Ulteriura votaziun - nagin respect vers decisiun dal pievel?

Ins pudess discurrer d'in déjà-vu. Gia avant quatter onns era la dumonda la dumonda davart gieus olimpics sin maisa. Il pievel ha detg lura detg ils 3 da mars 2013 NA. In problem dad anc ina giada suttametter al pievel ina fitg sumeglianta dumonda na vesan ils politichers burgais dal Grischun betg. I saja usità en ina democratia da far pliras giadas ina sumeglianta u la medema dumonda al pievel. In zic auter vesa la PS quai, ella n'è betg mo sceptica vers gieus olimpics sco tals, mabain er vers l'ulteriura votaziun.

RR actualitad 11:00+