Siglir tar il cuntegn

Header

cuntegn

Chantun Svieuta da fatschenta da Nadal è main buna

Las cifras da la fatschenta da Nadal quest onn sajan bunas, ma main bunas che l’onn passà, quai di Patrick Stebler, possessur da la drogaria e parfumaria Impuls a Cuira. Era in motiv sajan ils shops dad online, nua che blers cumpran lur regals da Nadal.

Era en la bischutaria da Regula Carigiet vesi ora sumegliant. Vinavant di ella che bischutaria saja in product da luxus, che betg mintgin po sa prestar ozendi.

audio
Bunura: Las butias da Cuira sentan era l’aura miaivla curt avant Nadal
ord Actualitad dals 23.12.2015.
laschar ir. Durada: 2 minutas 57 Secundas.

Era la temperatura empernaivla è in factur che na fa betg uschè gust da cumprar ils regals da Nadal. Stizuns da vestgadira sco il Globus dad umens fan perquai gia vendita speziala avant Nadal e betg sco usità pir suenter las festas. La manadra da la filiala Rita Albin manegia, ch'ils blers na vulan betg cumprar vestgadira chauda e chapitschas da questas temperaturas.

video
Butias da sport sentan la mancanza da naiv
Or da Telesguard dals 23.12.2015.
laschar ir. Durada: 3 minutas.

RR Actualitad bunura 06:00

Artitgels legids il pli savens