Sustegn finanzial per nov film grischun

Il crimi istoric da Silvio Huonder 'Dunkelheit in den Bergen' vegn mess en film. La regenza grischuna sustegna cun 150'000 francs il film dal reschissur Markus Fischer. Il film raquinta las circumstanzas vairas sco ella sa preschentavan l'onn 1821 en il Grischun.

Sustegn finanzial per il film '1821 – Dunkelheit in den Bergen'.

Legenda da maletgs: Sustegn finanzial per il film '1821 – Dunkelheit in den Bergen'. mad

Tar quest project da film da la firma da producziun snakefilm ScRL sa tracti da la registraziun sin film dal roman cun il medem num da l'autur grischun Silvio Huonder. L'istorgia dal film sa basa sin circumstanzas vairas sco ch'ellas sa preschentavan l'onn 1821 en il Grischun. Ultra d'in cas criminal tracta il film er l'istorgia davart il svilup d'in urden giuridic democratic anc avant che la Svizra è daventada in stadi federal l'onn 1848. Filmà vegni en las giassas da Cuira, a Glion, a Versomi, en la Val Bargis e Val Stussavgia, en Val Lumnezia fin en la regiun da Vuorz.

RR novitads 11:00