Siglir tar il cuntegn

Chantun Sustegn dal chantun per products regiunals

Il chantun Grischun sustegna l'uniun purtadra Alpinavera cun ina contribuziun da 700’000 francs per ils proxims quatter onns. La pretaisa è però che la Confederaziun ed ils chantuns che fan part da l'uniun prestan er ina contribuziun finanziala correspundenta.

Il sortiment d'Alpinavera cumpiglia actualmain radund 1'000 differrents products regiunals.
Legenda: Il sortiment d'Alpinavera cumpiglia actualmain radund 1'000 differents products regiunals. alpinavera.ch

Per la fasa da gestiun 2017 fin 2021 saja la finamira principala quella da sustegnair ils partenaris sin ils differents nivels dal martgà localmain, surregiunalmain e naziunalmain, scriva il chantun.

Uschia possian els sa posiziunar meglier envers auters purschiders en il martgà da nischa dals products d'alp, da muntogna e regiunals.

L'Alpinavera - fundada il 2006 - è in'organisaziun surregiunala che promova la vendita da spezialitads regiunalas da l'agricultura, quai sin basa da l'ordinaziun federala. A l’uniun appartegnan ils chantuns Grischun, Glaruna ed Uri.

RR novitads 10:00