Siglir tar il cuntegn
cuntegn

Chantun Sustegn dal chantun per las pendicularas Rinerhorn

Las Pendicularas Rinerhorn SA pon producir dapli naiv. La regenza grischuna ha concedì in emprest dad 1 milliun francs en il rom da la nova politica regiunala da la Confederaziun per schlargiar ils indrizs d'ennavar.

chanun da naiv sper ina charta dal territori cun ils indrizs d'ennavar planisads
Legenda: Las pendicularas Rinerhorn pon schlargiar lur indrizs d'ennavar. mad / Pendicurlars Rinerhorn SA ed Uffizi federal da topografia

Sco prestaziun d'equivalenza a quest emprest garantescha il chantun a las telefericas ina contribuziun da bunamain 170'000 francs.

Il project cumpiglia da construir in lai d'accumulaziun d'in cuntegn da 20'000 m³ aua, in lai che po er vegnir utilisà la stad. Vitiers datti indrizs d'ennavar per ils territoris dals runals Juonli e Nülli.

Sco la regenza scriva en sia communicaziun po cun quest indriz da far naiv vegnir creada la basa per in manaschi d'enviern prosperaivel en il territori dal Rinerhorn. Er saja l'utilisaziun dal lai durant la stad ina purschida supplementara che saja impurtanta per crear valurs turisticas en la regiun.

RR novitads 11:00