Siglir tar il cuntegn
Inhalt

Chantun Surdà ina petiziun dal parlament da mattas

Tschintg petiziuns ha il parlament da mattas formulà l'onn passà per il Cussegl Grond, dentant ha be ina da quellas ha chattà la via enfin sin il pult da la regenza.

Be ina da tschintg petiziuns dal parlament da mattas vegn dada enavant a la regenza.
Legenda: Tractandà Be ina da tschintg petiziuns dal parlament da mattas vegn dada enavant a la regenza. RTR, N. Cadonau

100 mattas da l'entir chantun han l'onn passà formulà cun agid da deputadas e deputads tschintg petiziuns ch'il Cussegl Grond duai surdar a la regenza. Dentant ha be la petiziun che duai impedir mobing en scola dumagnà quel pass. Las autras èn be vegnidas prendidas per enconuschientscha.

Petiziun na saja betg il dretg instrument

Roman Hug, il deputà da la PPS, crititgescha che quai haja da far cun quai ch'ina petiziun na saja betg il dretg instrument per las pretensiuns da las mattas. «Il post da stab per dumondas d'egualitad duai infurmar meglier las mattatschas davart lur pussaivladads.» Ina replica sin quella critica è vegnida da Peter Peyer da la PS: «Lura po gea era la fracziun da la PPS la proxima giada metter a disposiziun menturas e menturs che gidan al parlament da mattatschas.»

La petiziun da mobing vegn uss tractada da la regenza e las mattas dal parlament survegnan ina resposta a scrit sin lur pretensiuns.

RR actualitad 17:00