Siglir tar il cuntegn

Chantun Stretga da furniziun da virola encunter zeccas

Dals duas vaccins encunter la malsogna FSME che zeccas transportan vegn per il mument producì be in. Tar intgins medis po quai esser, che la vaccinaziun sto vegnir spustada, era en Grischun. Tuttina sustegna l'Uffizi federal da sanadad per il mument ina campagna per sa laschar vaccinar.

Ina zecca alv-brina cun chommas nairas sin la pel.
Legenda: Circa 1% da tut las zeccas en Svizra transporteschan il virus FSME. Keystone

Dapi la fin d'avrigl na producescha la GlaxoSmithKline SA nagin vaccin pli. Tenor il pledader sajan process vegnids adattads ch'hajan manà a retards en la producziun. Davent da la fin da zercladur vess la producziun puspè da funcziunar.

La firma è ina da las grondas producentas da medicaments e producescha in da dus vaccins encunter FSME. Ils medis pon damai per il mument empustar l'auter vaccin. Il BAG na cusseglia betg da maschadar ils duas vaccins, impussibel na saja quai dentant era betg.

Mument da campagna è suboptimal

L'Uffizi federal da sanadad sustegna per il mument ina campagna dals producents da la virola che cloman si da sa laschar vaccinar.

Quai na saja natiralmain betg ideal cun la stretga tar la furniziun, ha il responsabel da la partiziun malatias contagiusas dal BAG, Daniel Koch ditg envers RTR. La sensibilisaziun da sa laschar vaccinar saja dentant pli impurtant.

RR actualitad 07:00