Siglir tar il cuntegn
Inhalt

Chantun Stgars 770 milliuns francs per las vias

Il Cussegl grond ha prendì per enconuschientscha il program da vias 2017 fin 2020. Quai cun 80 cunter 13 vuschs tar 6 abstenziuns.

sala dal Cussegl grond cun deputadas e deputads
Legenda: Il Cussegl grond durant la sessiun da primavaira. RTR, S. Bundi

Per gronda part èn deputadas e deputads cuntents cun il program che mussa tge vias, punts u sviaments ch'èn da sanar u da bajegiar en l'avegnir. En tut vul il chantun investir bunamain 770 milliuns francs per mantegnair e bajegiar vias durant ils onns 2017 enfin 2020.

Tge sviament che vegn realisà sco proxim, suenter quel da Silvaplana, n'ha il cusseglier guvernativ Mario Cavigelli betg vulì tradir. Quai dependia da blers facturs, da las vischnancas, ils vaschins fin tar auters projects.

Ils gronds sviaments ch'èn actualmain en planisaziun èn:

  • La Punt Chamues-ch
  • Sta. Maria
  • Susch

Igl è dentant previs da realisar be in sviament a la giada.

RR novitads 15:00